Zëri i brendshëm mbi lojën: Stine tregon arsyet e largimit

Stine ka ndarë së fundmi me sinqeritet arsyet që e çuan drejt largimit nga ‘Big Brother VIP Albania 5’, gjatë një interviste për ‘Big Brother Radio’ me Elona Duron. Ai ka shpjeguar se vendimi ishte rezultat i një reflektimi të thellë personal dhe i nevojës për të rikthyer fokusin tek familja e tij.

Në Prime-in e 10 janarit, Stine befasoi të gjithë me deklaratën se nuk ndihej më i motivuar për të vazhduar lojën. Ai tregoi se arsyeja që e kishte shtyrë të hynte në shtëpi kishte humbur, duke e bërë atë të ndihej si “në vendin e gabuar”.

“Të dielën tensioni arrin kulmin. Hyra për të luajtur, por kur dëshira për lojën ikën, gjithçka humbet kuptimin. U përpoqa të ambientohesha, por nuk funksionoi,” tha Stine.

Ai theksoi se largimi ishte një vendim personal, pa ndikuar nga produksioni apo banorët e tjerë, dhe se ndihej i qetë me zgjedhjen e tij. Për Stinen, familja ka qenë gjithmonë prioriteti kryesor dhe ky vendim e ndihmoi të reflektonte mbi vlerat e tij personale.

“Mendoj se kam bërë zgjedhjen e duhur. Familja është mbi gjithçka,” shtoi ai, duke nënvizuar rëndësinë e të dëgjosh zërin e brendshëm dhe të bësh zgjedhjet që të sjellin paqe me veten.

Largimi i Stines tregon pjekuri emocionale dhe kujdes për mirëqenien personale, duke dhënë një mesazh të qartë se ndonjëherë është më e rëndësishme të vendosësh për veten dhe ata që dojmë më shumë sesa të ndjekësh pritshmëritë e të tjerëve.

"KORCA BOOM"