Propozim i papritur për Kryeinspektor të Përgjithshëm, ish-deputeti nuk konfirmon
- Korca Boom
- 7 minutes ago
- 1 min read
Mesditën e sotme, sipas burimeve të besueshme të Faxweb, ish-deputeti i Partisë Demokratike, Dashnor Sula, raportohet se është propozuar nga kryeministri Edi Rama për të marrë postin e Kryeinspektorit të Përgjithshëm, pas dorëheqjes së Shkëlqim Hajdarit.
Megjithatë, vetë Sula ka reaguar duke mos e pohuar dhe as mohuar këtë informacion.
“Jam duke ikur për në Itali. Dhe nuk kam marrë ende asnjë detyrë”, tha ish-deputeti në një reagim të shkurtër.
Dashnor Sula ka qenë një ndër eksponentët më aktivë të Partisë Demokratike, por u largua nga ajo gjatë zgjedhjeve të 11 majit 2025, pasi kreu i PD-së, Sali Berisha, nuk e përfshiu në listën e kandidatëve për deputet.
Ky zhvillim ngjall interes lidhur me pozicionet e larta shtetërore dhe lëvizjet politike të ish-deputetëve shqiptarë.
"KORCA BOOM"
