12 vite pa Minella Borovën (1947–2013)
- Korca Boom
- Jun 30
- 1 min read
12 vite pa Minella Borovën (1947–2013)
30 qershor 2013 – 30 qershor 2025
Sot kujtojmë me respekt dhe mall ndarjen nga jeta të aktorit të shquar Minella Borova, i cili u largua nga kjo botë 12 vite më parë, në moshën 66-vjeçare, pas një sëmundjeje të rëndë.
Gjatë karrierës së tij ka realizuar rreth 50 role teatrale në skenat shqiptare, ndër të cilat spikasin pjesët:
“Njollat e murme”
“Qyteti i akuzuar”
“Mësuesi i letërsisë”
Në kinematografi la gjurmë me mbi 30 role, duke u bërë pjesë e filmave të njohur si:
“Rrugë të bardha” (Bato)
“Në fillim të verës” (Fumagali)
“Udhëtim në pranverë” (Besniku)
“I paharruari” (Nesti)
“I treti” (Isai)
…dhe shumë të tjerë.
Në vitin 1993, Borova emigroi në Buenos Aires, Argjentinë, ku jetoi me familjen e tij deri në fund të jetës. Aty interpretoi edhe në teatrin e njohur San Martin, duke përfaqësuar denjësisht artin shqiptar në skena ndërkombëtare.
Ishte edhe poet, vëllimi i tij i parë poetik titullohet “Ku puthen dy oqeanet”.
Kontributi i tij në teatër, film dhe letërsi përbën një trashëgimi të çmuar për kulturën shqiptare.
U prehsh në paqe, Minella Borova. Kujtimi yt jeton në artin dhe zemrat tona.
“KORÇA BOOM”
