787 aplikime për Paketën e Maleve në vetëm 5 ditë – Interes i madh për zhvillimin e zonave malore

Kryeministri Edi Rama ka ndarë një përditësim të rëndësishëm në rrjetet sociale në lidhje me nismën “Paketa e Maleve”, duke theksuar se në vetëm 5 ditë nga hapja e aplikimeve janë regjistruar plot 787 aplikantë nga e gjithë Shqipëria dhe diaspora.

Në një postim të shoqëruar me hartën e aplikimeve, Rama e cilëson këtë një hartë frymëzuese që dëshmon interesin e madh për të investuar dhe për të rikthyer jetën në zonat malore dhe kodrinore të vendit.

Të gjithë emigrantët posaçërisht, por edhe ata që jetojnë në Shqipëri dhe duan të rihapin derën e shtëpisë së të parëve në mal, janë të ftuar të aplikojnë. Ai nënvizon se kushdo që dëshiron të hapë një bujtinë, agroturizëm, hotel malor, fermë ose linjë agropërpunimi, mund ta bëjë këtë me leje, duke përfituar nga mbështetja e qeverisë dhe linja e kredisë së butë nga Banka e Shqipërisë.

Aplikimet janë të hapura në faqen zyrtare: www.paketaemaleve.gov.al

Ky projekt përbën një mundësi reale për të rikthyer jetën, zhvillimin dhe turizmin në zonat më të pasura natyrore të vendit, duke i kthyer malet dhe kodrat e Shqipërisë në qendra të gjalla ekonomike, kulturore dhe turistike.

“KORÇA BOOM”