AKSIDENT/ Makina përmbyset në kanal, pl*goset një pastor i huaj

Një aksident rrugor ka ndodhur në fshatin Çukas, pranë Urës së Kuçit, në aksin Lushnje-Berat. Një automjet tip "Dacia" ka dalë nga rruga dhe ka përfunduar në kanalin anësor, i cili fatmirësisht ishte pa ujë.

Si pasojë e përmbysjes së mjetit, dyert janë bllokuar duke mbetur i bllokuar brenda drejtuesi, shtetasi i huaj Smarsuel Gurezi, 32 vjeç, me profesion pastor.

Për nxjerrjen e tij është dashur ndërhyrja e menjëhershme e shërbimit zjarrfikës, të cilët kanë prerë llamarinat e makinës për të bërë të mundur nxjerrjen e 32-vjeçarit.

I dëmtuari është transportuar me urgjencë në Spitalin e Lushnjes për të marrë ndihmën mjekësore dhe ndodhet jashtë rrezikut për jetën.

Nga hetimet paraprake të policisë, dyshohet se shkak për daljen e mjetit nga rruga ka qenë shpejtësia tej normave të lejuara ose një manovër e gabuar parakalimi.

“KORÇA BOOM”