Aksident/ Audi përplaset me shtyllën, drejtuesi në gjendje të rëndë

Një aksident i rëndë ka ndodhur pak minuta pas mesnatës në daljen jugore të Lushnjës, ku një automjet tip Audi është përplasur me një shtyllë ndriçimi në rrethrrotullimin e Savrës.

Mjeti drejtohej nga A. B, i cili humbi kontrollin e makinës dhe përfundoi duke goditur shtyllën e ndriçimit rrugor. Si pasojë e përplasjes së fortë, i riu ka pësuar plagë të rënda dhe është transportuar menjëherë në spitalin rajonal të Fierit, ku po merr ndihmën mjekësore të nevojshme.

Sipas burimeve paraprake, dyshohet se drejtuesi i mjetit nuk ka vënë re rrethrrotullimin ndërsa po dilte nga qyteti i Lushnjës, duke hyrë drejt e në aksin kryesor rrugor. Policia ka mbërritur në vendngjarje dhe ka nisur hetimet për zbardhjen e plotë të rrethanave të aksidentit.

"KORCA BOOM"