Aksident i rëndë në Starovë / Makina përplas këmbësoren, vajza në spital

Një aksident rrugor është shënuar në afërsi të kryqëzimit të fshatit Starovë, në Pogradec, ku një automjet ka përplasur një këmbësore.

Si pasojë e përplasjes ka mbetur e plagosur një vajzë, e cila është transportuar me urgjencë drejt spitalit të Pogradecit për të marrë ndihmën e nevojshme mjekësore.

Raportohet se ajo ka pësuar goditje në kokë dhe fraktura të tjera, ndërsa ndodhet nën kujdesin e mjekëve.

Policia ka mbërritur në vendngjarje dhe po punon për zbardhjen e rrethanave të aksidentit, si dhe për përcaktimin e përgjegjësive. Deri më tani nuk ka një njoftim zyrtar lidhur me dinamikën e plotë të ngjarjes.

"KORCA BOOM"