Aksident në aksin Korçë-Kapshticë, dyshohet për të plagosur

Aksident në aksin rrugor Bilisht - Korçë pranë fshatit Cangonj, përplasen dy mjete ku udhëtonin edhe fëmijë të mitur.

Aksident automobilik ka ndodhur pasditen e kësaj diele në rrugën nacionale Korçë-Bilisht pranë fshatit Cangonj. Ka qenë njëri prej mjeteve i cili ka kryer një manovër të gabuar në afërsi të kryqëzimit që ka sjellë edhe përplasjen me mjetin me targa greke që udhëtonte pas tij.

Në mjetin me targa greke kanë qenë duke udhëtuar një familje përfshi dhe dy fëmijë të mitur, të cilët për fat të mirë kanë shpëtuar mrekullisht edhe në rrethana kur mjeti nga përplasja ka përfunduar poshtë rrugës nacionale.

Ky është aksidenti i dytë brenda pak orësh aksin rrugor Kapshticë - Pogradec dhe në të dyja rastet drejtuesit e mjeteve nuk kanë respektuar sinjalistiken rrugore.

“KORÇA BOOM”