Aksident rrugor në Maliq - një i plagosur, një i shoqëruar nga policia

Rreth orës 11:30, në fshatin Nizhavec, Maliq, ka ndodhur një aksident rrugor mes dy automjeteve.

Automjeti tip “Benz”, me drejtues shtetasin J. D., është përplasur me automjetin tip “Volkswagen”, që drejtohej nga shtetasi L. S.

Si pasojë e përplasjes është dëmtuar drejtuesi i “Volkswagen”-it, shtetasi L. S., i cili po merr trajtim mjekësor në spitalin e Korçës.

Ndërkohë, drejtuesi i automjetit “Benz” është shoqëruar në Komisariatin e Policisë për veprime të mëtejshme procedurale.

Grupi hetimor ndodhet në vendngjarje dhe po punon për sqarimin e plotë të rrethanave të aksidentit.

“KORÇA BOOM”