Alarm, toka fundoset dhe qarkullimi bllokohet dyfish

Një tjetër alarm për lëvizje të tokës është regjistruar këtë të diel në fshatin Algjinaj të njësisë administrative Shezë, në bashkinë e Peqin, ku fenomeni i rrëshqitjes dhe fundosjes së dheut ka krijuar shqetësim te banorët.

Sipas informacionit të konfirmuar nga banorët e njërës prej lagjeve të fshatit, toka ka pësuar çarje të thella në një gjatësi të konsiderueshme, duke deformuar sipërfaqen dhe duke rrezikuar shembjen e tre banesave dhe shkatërrimin e infrastrukturës përreth.

Situata u përkeqësua pasditen e kësaj të diele, kur një pjesë e rrugës rurale u bë e pakalueshme për automjetet, duke shkaktuar vështirësi në qarkullim dhe shqetësim për banorët. Autoritetet lokale po monitorojnë situatën dhe kërkojnë ndërhyrje për stabilizimin e terrenit dhe sigurimin e zonës.

"KORCA BOOM"