Ballço merr drejtimin e Devollit, Lukra: Besojmë te ky grup dhe objektivat tanë

Trajneri i ri i ekipit të Devollit tashmë është zyrtarizuar dhe është prezantuar para skuadrës. Vasian Ballço dhe ndihmësi i tij Erlis Frashëri u prezantuan zyrtarisht nga ekzekutivi i klubit, Ermir Lukra, si dhe nga stafi drejtues.

Në fjalën e tij, Lukra uroi suksese për stafin e ri teknik dhe shprehu besimin se me këtë grup të përkushtuar, ekipi do të arrijë objektivat e sezonit. Ai theksoi se klubi do të ofrojë mbështetje maksimale në çdo drejtim, ndërsa kërkoi nga lojtarët disiplinë, përkushtim dhe frymë bashkëpunimi.

Nga ana e tij, trajneri Ballço falënderoi drejtuesit për besimin dhe kërkoi përkushtim maksimal nga skuadra, duke theksuar se me punë dhe unitet, Devolli mund të arrijë rezultatet që meriton.

Pas prezantimit, ekipi ka zbritur në fushën stërvitore ku zhvilloi seancën e parë të javës, nën drejtimin e stafit të ri teknik.

"KORCA BOOM"