Dashuri e heshtur/ Rizarta Hoxha rrëfen ndjenjat për një djalë që e pëlqen

Ish-banorja e edicionit të katërt të “Big Brother VIP”, Rizarta Hoxha, ka ndarë një detaj interesant nga jeta e saj personale gjatë një interviste për emisionin “Pushime On Top”.

Blogerja e njohur tregoi se aktualisht ka një pëlqim për një djalë, por ende nuk i ka rrëfyer ndjenjat e saj. Ajo shtoi se ndjenjat janë reciproke, pasi djali në fjalë ia ka shprehur pëlqimin.

“Kemi një raport reciprok dhe kjo më pëlqen. Për momentin jemi ‘crush’, prandaj është i vogël dhe i ëmbël si sekret. Ua thashë juve, por mos ia thoni njeriu, as atij, sepse nuk i kam treguar ende që e pëlqej. Rëndësi ka që ai më pëlqen mua dhe më ka thënë,” – u shpreh Rizarta me buzëqeshje.

Ajo shtoi gjithashtu se, pavarësisht paraqitjes së saj të qetë dhe të ëmbël, në një lidhje është mjaft intensive dhe e drejtpërdrejtë.

“Jam pikante në një marrëdhënie,” – tha ajo duke e mbyllur me një koment të sinqertë për stilin e saj në dashuri.

“KORÇA BOOM”