Denoncim: Pediatria e Korçës në mjerim, spitali i Ersekës pa vigonë

Një qytetar ka shkruar në redaksinë e JOQ Albania për të ngritur shqetësimin e tij lidhur me kushtet e spitaleve në juglindje të vendit, veçanërisht në pediatrinë e Korçës, e cila sipas tij ndodhet në gjendje të mjerueshme.

Ai thekson se është e pafalshme që në një godinë të tillë të shkojnë bebe dhe fëmijë për të marrë ndihmë mjekësore, ndërsa mungesat infrastrukturore e bëjnë situatën alarmante.

“Përshëndetje, doja të ngrija një shqetësim për sa i përket spitaleve, veçanërisht pediatrisë në Korçë, e cila ndodhet në një gjendje të mjerueshme, të mendosh që aty shkojnë fëmijë dhe bebe për të marrë ndihmë mjekësore. Ndërkohë, në spitalin e Ersekës nuk ka as vigon për t’u bërë një serum fëmijëve, por përdorin ato për të rritur.

Gjithashtu, stafi lë shumë për të dëshiruar. Doja t’i bëja thirrje Kryeministrit të ndërgjegjësohet dhe të investojë nëpër spitale, sidomos në rrethin e Kolonjës, që ka vetëm një urgjencë dhe i dërgojnë pacientët në Korçë:, shkruan qytetari për JOQ.

Po ashtu, qytetari kritikon edhe spitalin e Ersekës, ku sipas tij mungojnë materialet bazë si vigonët për fëmijë, duke përdorur pajisje të destinuara për të rritur.

Ai ngre shqetësimin edhe për nivelin e ulët të shërbimit nga stafi mjekësor dhe i bën thirrje Kryeministrit të ndërhyjë me investime, sidomos në rrethin e Kolonjës, i cili ka vetëm një urgjencë dhe i dërgon pacientët në Korçë për trajtim.

Qytetari i bën një thirrje të drejtpërdrejtë Ministrisë së Shëndetësisë që të mos mbyllë sytë përballë kushteve të rënda në të cilat ndodhen spitalet në juglindje të vendit, veçanërisht pediatria e Korçës dhe spitali i Ersekës.

Ai kërkon ndërhyrje të menjëhershme për përmirësimin e infrastrukturës dhe pajisjen me mjete mjekësore bazë./ JOQ Albania