Deputeti Braçe publikon mesazhet: Kur arroganca e Bashkisë përballet me hallet e qytetarëve

Deputeti Erion Braçe është acaruar keq pas përgjigjes që ka marrë nga Anuela Ristani, drejtuese në Bashkinë e Tiranës, lidhur me denoncimin e tij për problemin e mbeturinave në zonën e Selitës.

Braçe publikon mesazhet e Ristanit, ku ajo i kërkon që çështjen ta adresojë tek Ilir Mengra, duke mos marrë seriozisht shqetësimin e deputetit. Ai e konsideron këtë qëndrim si një shprehje arrogancë përballë halleve të qytetarëve dhe angazhimit të tij.

Në një reagim të fortë, Braçe shkruan:“Për arrogancën e atyre që ju kemi dhënë pushtet, qoftë edhe të vogël në nivel vendor. Turp të kesh! Arroganca jote përballë hallit të njerëzve e shqetësimit të deputetit meriton vetëm: Të kesh turp!”

Ai kritikon edhe ironinë që sipas tij Ristani ka përdorur në mesazhe, duke thënë se prej muajsh nuk po bëhet asnjë përparim në çështjet e ngritura dhe ajo madje nuk heziton të përcjellë mesazhe banale, si “Nuk pyes për asgjë!”.

Ky shkëmbim mes deputetit dhe zyrtares ka nxitur reagime të shumta në rrjetet sociale, duke rihapur debatin mbi menaxhimin e mbeturinave dhe komunikimin mes institucioneve dhe qytetarëve në kryeqytet.

“KORÇA BOOM”