“Drama në Durrës: Teuta shënon në sekondat e fundit dhe barazon me Vllazninë!”

Ndeshja nisi me një dominim të Vllaznisë, që arriti të shënojë herët në minutën e 24-t me një gol spektakolar nga Mala, i cili realizoi me një goditje të fuqishme nga jashtë zonës. Pas këtij momenti, Teuta u përpoq të kundërpërgjigjej, por portieri Selmani dhe mbrojtja shkodrane qëndruan vigjilentë.

Në minutat në vazhdim, loja u bë më e ashpër dhe emocionuese, me disa ndërhyrje të forta dhe kartona të verdhë për të dyja skuadrat. Vllaznia u përball me një goditje të rëndë kur Gurishta u ndëshkua me kartonin e dytë të verdhë në minutën e 88-të, duke lënë ekipin me 10 lojtarë.

Megjithatë, në minutat shtesë, Teuta arriti të barazojë rezultatin. Në minutën e 90+6’, pas një harkimi perfekt nga Torraj nga e majta, Zhongo ul topin për Beshirajn, i cili me qetësi e shtyn në rrjetë, duke shpëtuar një pikë për durrsakët.

Ndeshja u mbyll në barazim 1-1, një rezultat që lë të hapur luftën për vendet e larta në klasifikim.

“KORÇA BOOM”