Korçë / Foshnja 2-muajshe në gjendje shumë të rëndë

Një foshnjë rreth 2 muajshe është shtruar në gjendje shumë të rëndë në pediatrinë e Spitali Rajonal i Korçës. Vogëlushja po mbahet nën kujdesin e mjekëve, ndërsa stafi po përpiqet të stabilizojë gjendjen e saj.

Burime nga spitali dhe policia bëjnë me dije se dyshohet që gjendja e rënduar të ketë ardhur si pasojë e kequshqyerjes.

Foshnja kishte lindur prematurë, rreth 7 muajshe, dhe pas lindjes ishte trajtuar fillimisht në Spitali Rajonal i Korçës dhe më pas në Tiranë, nga ku ishte larguar në gjendje të mirë shëndetësore.

Pas kthimit në banesë, foshnja ka shfaqur probleme të rënda shëndetësore dhe është dërguar sërish në spital. Dyshohet se nëna nuk e ka ushqyer me gji, gjë që mund të ketë ndikuar në përkeqësimin e gjendjes së saj.

Nga të njëjtat burime mësohet se nëna mund të ketë probleme të shëndetit mendor, ndërsa priten verifikime për të kuptuar nëse gjendja e saj është përkeqësuar pas lindjes.

Punonjës të Policia e Shtetit ndodhen në spital dhe po ndjekin rastin, ndërsa mjekët vijojnë përpjekjet për të shpëtuar jetën e foshnjës.

"KORCA BOOM"