Dy skafe përplasen në liqen, ende pa të dhëna të plota për të p*agosurit

Një aksident është regjistruar pasditen e sotme në liqenin e Komanit, ku dy skafe janë përplasur me njëri-tjetrin.

Nga përplasja raportohet se disa persona kanë mbetur të plagosur. Ende nuk ka të dhëna të plota për numrin e të lënduarve dhe gjendjen e tyre shëndetësore.

Në vendngjarje pritet të mbërrijnë shërbimet e emergjencës dhe autoritetet përkatëse, të cilat do të verifikojnë rrethanat e aksidentit.

Ndërkohë, kanë nisur verifikimet për zbardhjen e shkaqeve të përplasjes.

Ngjarja është në zhvillim, ndërsa priten të dhëna të reja lidhur me numrin e personave të plagosur dhe gjendjen e tyre.

“KORÇA BOOM”