E detyrueshme për të gjithë: Qeveria vendos rregulla të reja

Çdo qytetar me banim apo vendqëndrim në territorin e Republika e Shqipërisë është tashmë i detyruar të kryejë vetëdeklarimin e adresës përmes platformës elektronike e-Albania.

Ky detyrim vjen në zbatim të një vendimi të fundit të Këshilli i Ministrave i Shqipërisë, i cili synon forcimin e regjistrit civil dhe pasqyrimin sa më të saktë të adresimit të popullsisë.

Procesi nuk kufizohet vetëm në plotësimin e të dhënave online, por kërkon edhe ngarkimin e dokumentacionit përkatës që provon qëndrimin real në adresën e deklaruar. Qytetarët që janë pronarë të banesës duhet të paraqesin certifikatën e pronësisë, ndërsa ata që jetojnë me qira duhet të ngarkojnë kontratën përkatëse.

E njëjta procedurë zbatohet edhe në rastet e ndryshimit të adresës së vendbanimit apo vendqëndrimit. Në këto raste, qytetarët duhet të paraqesin dokumente ligjore si kontrata qiraje, marrëveshje bashkëjetese, vendime gjykate apo deklarata noteriale që vërtetojnë banimin në adresën e re.

Për të garantuar saktësinë e të dhënave, zyrat e gjendjes civile do të shqyrtojnë çdo aplikim brenda 24 orëve. Në rast të mungesës së dokumentacionit apo pasaktësive, qytetarët do të njoftohen menjëherë dhe do të kenë një afat prej tre ditësh për plotësimin e tyre.

Qeveria thekson se kjo masë do të ndikojë në përmirësimin e planifikimit të shërbimeve publike dhe në rritjen e saktësisë së të dhënave, të cilat janë thelbësore për procese si zgjedhjet, përfitimi i ndihmës ekonomike, arsimi dhe shërbimet shëndetësore.

Ndërkohë, paralajmërohet se për mosrespektimin e këtij detyrimi mund të parashikohen masa ndëshkuese apo kufizime në aksesin ndaj shërbimeve publike.

“KORÇA BOOM”