E RËNDË/ Punonte si çoban në Greqi, gjendet i pajetë në kufi trupi i 60-vjeçarit nga Erseka

Një emigrant shqiptar nga Erseka, që punonte në Greqi si çoban, është gjetur i pajetë pranë kufirit vetëm dy ditë pasi punëdhënësi i tij grek e kishte denoncuar të humbur.

Burime policore bënë sot me dije se viktima është F.K., 60 vjeç, i cili punonte si bari në vendin fqinj. Trupi i pajetë u gjet në malin e Gramozit, në tokën greke dhe kanë nisur hetimet për të zbuluar dinamikën dhe shkaqet.

Viktima ka humbur kontaktet me punën e tij prej datës 22 shtator dhe është deklaruar i humbur nga vetë punëdhënësit.

Por u gjet ditën e sotme i pajetë në afërsi të fshatit Gramoz, në tokë greke, ndërsa do të kryhen veprimet nga ana e autoriteteve të shtetit fqinj. Nuk jepen detaje nëse në trupin e tij ka shenja dhune apo jo, teksa pritet të bashkëpunohet edhe me palën shqiptare.

“KORÇA BOOM”