EKSKLUZIVE/ Gjithë superiorja i kërkon këta dy lojtarë të Skënderbeut!

Skuadra korçare, si në përfundim të sezonit, ashtu edhe gjatë tij, ka qenë ndër ekipet që mund të thuhet se ka bërë një merkato në dalje mjaft të suksesshme. Madje duket se ky trend do të vazhdojë edhe më tej.

Sipas burimeve të afërta me klubin, janë dy futbollistë të Skënderbeut që aktualisht po kërkohen nga disa ekipe të Kategorisë Superiore, të cilat synojnë të sigurojnë shërbimet e tyre.

Bëhet fjalë për dy sulmuesit Nasr dhe Bismark, të cilët kanë spikatur me paraqitjet e tyre dhe tashmë kanë tërhequr vëmendjen e klubeve të tjera elitare. Reparti i sulmit vazhdon të jetë më tërheqësi për merkaton, duke qenë se edhe më parë nga ky repart janë larguar emra si Rashica dhe Nikaj, që gjithashtu patën interesim të madh.

Tani, është radha e dyshes së re, Nasr dhe Bismark, por drejtuesit e Skënderbeut nuk janë të gatshëm t’i lëshojnë lehtë këta dy “xhevahirë”.

 “KORÇA BOOM”