EKSKLUZIVE/ Ja sa lojtarë pret Skënderbeu në merkaton e verës!

Në këto momente portali ynë “Korça Boom” zbulon rreth merkatos së Skënderbeut dhe sa lojtarë pret ekipi të afrojë gjatë kësaj periudhe.

Bëhet fjalë edhe për 3-4 afrime të tjera që klubi “Skënderbeu” do ti zyrtaizojë në ditët në vazhdim. Me pak fjalë përveç Baba Musa, që ka mbërritur te bardhekuqtë dhe është nën urdhërat e trajnerit Ernest Gjoka, shumë shpejt pritet të mbërrijë edhe afrimi tjetër zyrtar si i Salim Abubakar, lojtar që është zyrtarizuar nga ana e klubit prej ditësh.

Pas tyre priten edhe 3-4 afrime të tjera, ku ndoshta qysh javën e ardhshme mund të kemi të paktën dy zyrtarizime të reja.

Janë të gjithë lojtarë që do të afrohen nga jashtë dhe klubi është në kontaktet e fundit me blerjet që pritet të vijnë. Në këtë mënyrë me 3-4 afrime të tjera merkatoja do të quhet e mbyllur dhe kjo është strategjia që klubi pritet të ketë në javët në vazhdim për të ndërtuar një skuadër të denjë për tu ringjitur menjëherë në ligën superiore.

Në këtë mënyrë, java e ardhshme është vendimtare në afrimet e lojtarëve të rinj dhe më pas do të kemi edhe një listë zyrtare prej 25 futbollistësh që do të jenë kontigjenti i Skënderbeut të sezonit 2025-2026.  

“KORÇA BOOM”