EKSKLUZIVE/ Mbërrin në Korçë Baba Musa. Ja kur del në stërvitje!

Blerja e parë verore e Skënderbeut, Baba Hamadu Musa, ka mbërritur mbrëmjen e djeshme në qytetin juglindor dhe nesër do të zhvillojë seancën e parë stërvitore me fanelën bardhekuqe.

Ky është lajmi më i fundit që mëson portali ynë “Korça Boom”, dhe që konfirmohet nga Drejtori Sportiv i klubit “Skënderbeu”, Ardi Gjançi. Ka qenë Gjançi që zyrtarizon lajmin se Musa tashmë ka mbërritur dhe pritet dita e martë që të dalë në stërvitje me Skënderbeun.

Në fakt stërvitja e sotme ka qenë në orët e paradites dhe pasditja është pushim, prandaj kjo bën që ganezi të presë deri nesër për të dalë në stërvitje.

Baba Hamadu Musa ka disa kohë që është zbuluar nga ana e portalit tonë si lojtar i Skënderbeut, ndërkohë që ai ka firmosur kontratë trevjeçare me bardhekuqtë. Pas refuzimit për të rinovuar kontratën me FC Samarteks, 23-vjeçari ka pranuar ofertën e klubit korçar, duke u dakordësuar që të jetë pjesë e Skënderbeut deri në verën e vitit 2028.

Arritjet më të mira Musa i pati në sezonin 2022-2023 ku shënoi 20 gola për FC Skyy. Ky transferim i ganezit nga FC Samartkes te Skëknderbeu konsiderohet i kompletuar edhe nga faqja  “Transfermarkt”, ku vlera e kartonit të Baba Hamadu Musa është 150 mijë euro.

Tashmë duhet pritur dita e nesërme për të parë ganezin Musa me fanelën e Skënderbeut dhe nën urdhërat e Gjokës.

“KORÇA BOOM”