EKSKLUZIVE/ SKËNDERBEU bën “goditje” në Nigeri. Vjen sulmuesi Ilensami!

Skënderbeu bën një tjetër “goditje” në këtë merkato vere, teksa ka mbërritur ditën e sotme dhe ka dalë menjëherë në stërvitje blerja më e re, ajo e Thank God Ilensami.

Lojtari në fjalë vjen nga Nigeria dhe është 20-vjeç, pra datëlindja 2005, ndërkohë që luan në vijën e parë të sulmit. Mësohet se Ilensami ka dalë nga e njëjta Akademi që ka dalë edhe nigeriani Peter Itodo që ka qenë pjesë e Dinamos.

Sulmuesi nigerian ka dalë në stërvitje me Skënderbeun ditën e sotme dhe ka qenë portali ynë “Korça Boom” që sjell foton e tij në këto momente, ndërkohë që më vonë do të sjellim edhe videon e lojtarit në fjalë.

Skënderbeu në këtë mënyrë po mendon edhe për të ardhmen, pasi Thank God Ilensami shikohet si një lojtar i prespektivës në vijën e parë të sulmit dhe ka cilësi shumë të mira.

Në këtë mënyrë Skënderbeu vijon të afrojë lojtarë të rinj dhe pritet të kemi edhe ndonjë tjetër në ditët në vazhdim, përveç sulmuesit të ri nigerian që sot doli në stërvitje me Skënderbeun.

“KORÇA BOOM”