EKSKLUZIVE/ Skënderbeu miqësore ndërkombëtare në Greqi

Tre shtete, Anglia, Greqia dhe Shqipëria do të luajnë ndeshje miqësore mes klubeve përfaqësuese në një aktivitet ndërkombëtar që do të zhvillohet në Kostur të Greqisë në 3 ditë (30-31 maj dhe 1 qershor). Ka qenë një ftesë e grekëve të Kosturit që Skënderbeu për veteranë të jetë përfaqësuesi i Shqipërisë në këtë turne ndërkombëtar.

Dhe, Skënderbeu për veteranë e ka pranuar ftesën dhe gjatë tre ditëve të turneut ndërkombëtar do të luajë në dy ditët e fundit pra më 31 maj dhe 1 qershor.

Nuk është hera e parë që Skënderbeu për veteran zhvillon aktivitete të tilla, pasi kujtojmë që edhe një vit më parë u zhvillua një turne i tillë në stadiumin “Skënderbeu”. Tashmë pritet të konfirmohen të gjithë emrat e mirënjohur të Skënderbeut për veteran, në mënyrë që ti bëjmë publike edhe për sportdashësit, ndërkohë që dy ditët e aktivitetit do të jenë me shumë emocione.

Skënderbeu më 31 maj do të luajë ndaj veteranëve të skuadrës greke Lemnos, ndërkohë që ditën e dytë më 1 qershor do të ketë përballë ekipin e veteranëve të Mesopotamisë.

Suksese veteranëve të Skënderbeut!

Ndeshjet miqësore në Greqi:

31 maj 2025 Ora: 16:30

Lemnos-Skënderbeu

1 qershor 2025 Ora 17:30

Mesopotamia-Skënderbeu

“KORÇA BOOM”