EKSKLUZIVE/ Vjen largimi i pestë nga Skënderbeu. Ja cili nuk kthehet në Korçë!

Kur duhen edhe disa javë për të parë realisht se kush prej futbollistëve të sezonit të kaluar do të jetë pjesë e korçarëve, kanë filluar të dalin emrat e atyre që nuk do të jenë më pjesë e skuadrës në vazhdimësi.

Pas largimeve të konfirmuara nga vetë klubi, mësohet ekskluzivisht nga “Korça Boom” se një tjetër futbollist pritet të largohet dhe nuk do të jetë më pjesë e Skënderbeut.

Bëhet fjalë për Marko Ramosin, të cilit në fakt i ka përfunduar kontrata. Megjithëse kontrata e brazilianit ishte 2+1, nuk ka asnjë mundësi për një rinovim të saj. Nga sa mësohet, nuk do të ketë më nënshkrim të një kontrate të re me të.

Ka qenë vetë futbollisti që ka konfirmuar për “Korça Boom” se nuk do të jetë më pjesë e Skënderbeut. Në fakt, ai nuk ka dhënë më shumë detaje rreth arsyes së largimit, por është përgjigjur shkurt se nuk do të jetë më te Skënderbeu, të paktën për momentin, pasi nuk mund të thuhet me saktësi se çfarë do të ndodhë më vonë.

“KORÇA BOOM”