Elbasani pritet të vlojë, Iliria kërkon tribunë të mbushur kundër Skënderbeut

Iliria, ekipi i Fushë-Krujës, do të përballet në Elbasan me Skënderbeun, në një ndeshje që klubi i Ilirisë e ka cilësuar si më të rëndësishmen e sezonit. Kjo vlerë e veçantë e takimit kuptohet edhe nga thirrja zyrtare që klubi u ka bërë tifozëve, duke kërkuar një mbështetje masive në stadium.

Në apelin e publikuar, drejtuesit e Ilirisë ftojnë “të madh e të vogël” që të jenë të pranishëm në Elbasan, duke u organizuar me autobusë, makina private apo çdo formë tjetër udhëtimi, me qëllim krijimin e një atmosfere sa më mbështetëse për skuadrën.

Klubi thekson se prania e tifozëve është jetike për këtë takim, veçanërisht pas problemeve që u shfaqën në ndeshjen e mëparshme, e cila u pezullua. Për Ilirinë, kjo përballje shihet si një moment kyç i sezonit, ku mbështetja nga tribuna konsiderohet një faktor vendimtar.

"KORCA BOOM"