Emergjencë, i riu futet në operacion pas plagosjes me thikë

Një 20-vjeçar me inicialet E.M. është plagosur pasditen e së mërkurës në Qerret, Durrës.

Sipas informacioneve paraprake nga grupi hetimor, i riu dyshohet të jetë goditur me thikë gjatë një konflikti. Raportohet se ai ka qenë i përfshirë edhe më herët në situata problematike.

I plagosuri u dërgua menjëherë me urgjencë në Spitalin e Durrësit, ku është futur në sallën e operacionit. Policia mbërriti në vendngjarje dhe po punon për sqarimin e rrethanave të ngjarjes dhe për identifikimin e autorit.

Rastet e dhunës me armë të ftohta në këtë zonë kanë alarmuar autoritetet dhe komunitetin, ndërsa hetimet janë në vazhdim për zbardhjen e plotë të ngjarjes.

"KORCA BOOM"