Ernest Gjoka pas Peshkopisë: “Duhej më shumë qetësi”

“Ne në jetë dhe në futboll asgjë nuk është e sigurt.”Këto janë fjalët e trajnerit të Skënderbeut, Ernest Gjoka, pas përfundimit të takimit të luajtur në Peshkopi, ku korçarët u ndalën në barazim.

Sipas Gjokës, rezultati u ndikua nga disa faktorë, mes të cilëve edhe gjendja e fushës, por ai theksoi se skuadra e tij duhej të tregonte më shumë qetësi në momentet vendimtare të ndeshjes.“Janë disa faktorë që ndikojnë, ku edhe fusha nuk përjashtohet, por ne duhet të ishim më të qetë dhe të shfrytëzonim rastet e krijuara. Në fundin e ndeshjes realisht i kishim të shumta,” u shpreh trajneri.

Gjoka duket se e ka të qartë rrugën drejt objektivit madhor, rikthimit në Superligë, duke theksuar se çelësi i suksesit mbetet vetëm fitorja.“Mund të them se ne duhet vetëm të fitojmë në çdo ndeshje. Kjo është rruga që na çon drejt suksesit,” përfundoi ai.

"KORCA BOOM"