Goditja e rëndë, ndaj Pogradecit lëshohet alarmi në Kategorinë e Parë

Alarmi është lëshuar tashmë për Kastriotin ndaj Pogradecit. Kastrioti ishte vetëm me 15 lojtarë në dispozicion për javën e parë të Kategorisë së Parë, duke qenë se merkato vazhdon e bllokuar. Sfida me Burrelin në transfertë u barazua 2 me 2, ndërsa fitorja iku nga duart në minutat e fundit.

Situata është alarmante. Nëse Kastrioti nuk zhbllokon merkaton deri më 12 shtator, do të jenë vetëm 14 lojtarë në dispozicion për sfidën e radhës ndaj Pogradecit.

Fabio Hasa si titullar u ndëshkua me karton të kuq ndaj Burrelit. Po ashtu edhe trajneri Ramadan Ndreu pas tensionit që solli ndërprerjen e ndeshjes për rreth 5 minuta.

Në rast se merkato zhbllokohet, Kastrioti mund të regjistrojë lojtarët e afruar gjatë verës dhe që ishin pa kontratë. Huazimet ranë si opsion për shkak se merkato nuk u zhbllokua para datës 1 shtator./ PanoramaSport

“KORÇA BOOM”