Historitë e errëta të familjes së Stelinës: Si një natë e 13 gushtit 2009 ndryshoi gjithçka

Stelina ndau për herë të parë publikisht historinë e dhimbshme të jetës së saj, duke rikthyer një nga episodet më të errëta që ka përjetuar familja e saj. Rrëfimi i saj emocionoi thellë banorët dhe teleshikuesit, duke lënë gjurmë të pashlyeshme.

Ajo tregoi se si figura që duhej të ishte mbrojtja dhe siguria e familjes u shndërrua në përbindëshin e jetës së tyre, duke lënë pas trauma dhe plagë fizike që do ta shoqërojnë përgjithmonë.

Duke rikujtuar fëmijërinë e saj, Stelina foli për ditët e lumtura të fillimit të jetës, deri në momentin kur për herë të parë u përball me dhunën brenda shtëpisë. Një ditë, teksa po luante jashtë, dëgjoi të bërtitura dhe pa nënën e saj të lënduar, çka shënoi një kthesë të rëndë në jetën familjare.

Ngjarja më dramatike ndodhi më 13 gusht 2009. Brenda vetëm 15 minutash, babai i saj hyri me forcë në dhomë dhe sulmoi nënën, duke i shkaktuar plagë të shumta. Në përpjekje për ta mbrojtur, ndërhyri edhe motra e saj 14-vjeçare, e cila u plagos rëndë pranë qafës.

Në mes të panikut, motra arriti të ndalë sulmin, ndërsa Stelina mbeti e ngrirë nga frika. Familja arriti të dalë jashtë shtëpisë, e mbuluar në gjak, ndërsa policia mbërriti pak çaste më vonë. Në spital, Stelina pa të atin e lidhur me pranga, një imazh që do ta shoqëronte gjatë gjithë jetës.

Pas kësaj ngjarjeje, babai përfundoi pas hekurave, ndërsa Stelina u traumatizua rëndë dhe nuk foli për disa ditë. Nëna dhe motra u përballën me vështirësi të mëdha, por vendosën të mos dorëzoheshin. Stelina tregoi se e takoi babanë vetëm dy herë pas ngjarjes dhe vendosi ta shkëpuste përgjithmonë nga jeta e saj. Ai ndërroi jetë në qershor 2025.

Megjithatë, lidhja mes Stelina, nënës dhe motrës mbeti e pathyeshme. Ato nuk e lëshuan asnjëherë dorën e njëra-tjetrës dhe mbështetja e familjes ishte forca që e ndihmoi të eci përpara. Në vitin 2025, Stelina u bë pjesë e një programi televiziv, një eksperiencë që do të ndryshonte rrënjësisht jetën e saj.

"KORCA BOOM"