DETAJE nga vr*sja e 45-vjeçares në Athinë/ E priti para derës, e detyroi të gjunjëzohej dhe më pas... Zbardhen lëvizjet e fundit të Altin Allmucës

Hetimi për vrasjen e 45-vjeçares në Nea Smyrni të Athinës vijon, ndërsa policia po përpiqet të rindërtojë minutat para të shtënave. Në qendër janë marrëdhënia mes viktimës dhe 48-vjeçarit të dyshuar, pamjet e kamerave, telefonat celularë dhe provat e mbledhura në banesa e në automjetin e tij.

Sipas informacioneve të publikuara nga mediat greke, hetuesit kanë në dispozicion një video që tregon lëvizjet në ndërtesën ku ndodhi vrasja.

Pritja para banesës

Nga të dhënat paraprake, 48-vjeçari dyshohet se kishte vendosur një person të qëndronte jashtë banesës së 45-vjeçares dhe priste momentin kur ajo do të dilte.

Kur gruaja hapi derën dhe doli nga banesa, ai dyshohet se e kërcënoi me një revolver dhe e detyroi të gjunjëzohej. Më pas, sipas të njëjtave informacione, u qëllua dy herë.

Plumbi i parë dyshohet se nuk e goditi 45-vjeçaren, ndërsa i dyti ishte fatal.

Hetuesit po përpiqen të përcaktojnë nëse gjithçka ishte planifikuar paraprakisht dhe nëse 48-vjeçari kishte ndjekur lëvizjet e viktimës para krimit.

Viktima dyshohet se kishte frikë për jetën

Një tjetër pistë që po shqyrtohet lidhet me kërcënime të mundshme të mëparshme.

Sipas informacioneve të bëra publike, 45-vjeçarja kishte frikë për sigurinë e saj dhe kishte marrë masa për t’u mbrojtur. Ajo kishte ndryshuar edhe bravat e banesës ku jetonte së bashku me vajzën e saj të mitur.

Ky detaj po shqyrtohet nga autoritetet për të kuptuar nëse ka pasur një histori kërcënimesh apo konflikti mes viktimës dhe të dyshuarit.

Fishekë të të njëjtit kalibër në automjet

Policia po analizon edhe automjetin e 48-vjeçarit. Sipas informacioneve të publikuara, aty janë gjetur fishekë të të njëjtit kalibër me ato të përdorura në vrasje.

Në hetim është edhe revolveri që dyshohet se është përdorur për të qëlluar 45-vjeçaren. Arma përshkruhet si relativisht e re.

Tashmë hetuesit po krahasojnë provat balistike, pamjet e kamerave dhe të dhënat nga telefonat për të rindërtuar lëvizjet e personave të përfshirë dhe për të përcaktuar saktësisht se çfarë ka ndodhur para dhe gjatë krimit.

“KORÇA BOOM”