HT Skënderbeu-Iliria në dhomat e zhveshjes/ Ja çfarë ka ndodhur në 45 minutat e para

Skënderbeu-Iliria 1-0

Shënues: Nasr 9’

Skënderbeu: Alia, Vaskuez, Nasr, Ukici, Randi, Estrela, Vangjeli, Janaqi, Abubakar, Shaqe, Tayo. Trajner: Ernest Gjoka

Iliria: Xhika, A. Selmani, Stafa, B. Selmani, Arabal (Koleci 22’), Dieye, Mazrekaj, Sejdiu, Mavanga, Jakupi, Joel. Trajner: Dritan Smajlaj

Gjyqtar: Laver Alla

Kartonë të verdhë: B. Selmani, Joel

5 minutat e para të ndeshjes fillojnë të qetabdhe pa raste në portat respektive edhe pse Skënderbeu duket se kërkon më shumë, por nuk shkon dot në vijën e 16-metërshit.

Ndërkohë që loja po ecte e qetë, është Skënderbeu që zgjohet. Është Nasr që përfiton edhe nga një gabim i mbrojtes mike dhe shënon golin e avantazhit me një gjuajtje me të majtën. 1-0 për Skënderbeun.

Dy minuta më vonë është po Nasr që për pak sa nuk shënon me rafishatë, por topi përfundon ngjitur me traversën.

Në të 14-ën minutë Iliria shkon në zonën e Skënderbeut, por është Shaqe që ndërhyn saktë dhe e dërgon topin në këndore.

Pas këtij momenti loja komandohet nga Skënderbeu për minuta të tëra, ndërkohë që Iliria e ka të vështirë të dalë në vijën e parë të sulmit. Në minutën e 29-të Iliria fiton një goditje këndi, Jakubu me kokë për pak sa nuk shënon, por gjuan jashtë, duke bërë që Skënderbeu të shpëtojë nga pësimi i golit.  

Skënderbeu ka edhe një rast në minutën e 40-të, Ukici për pak sa nuk shënon, por zihet në pozicion jashtë loje.

Mbyllet pjesa e parë 1-0 për Skënderbeun.

Minutat dhe rastet e pjesës së parë

9’ – Tayo hedh një top në qendër të zonës mike dhe Nasr gjuan me të majtën dhe shënon golin e parë dhe të avantazhit

11’ – Sërish është Skënderbeu që rrezikon me anë të Nasr që me rafishatë për pak sa nuk shënon, por topi përfundon mbi traversë.

29’ – Është Iliria që ka një rast të pastër. Jakubu me kokë pas një goditje këndi, por topi përfundon mbi traversë, duke bërë që Skënderbeu të shpëtojë nga pësimi i golit të brazimit.

“KORÇA BOOM”