Humbet kontrollin dhe përplaset me një tjetër automjet/ Aksidenti shkakton dëme të mëdha

Një aksident rrugor është regjistruar në aksin Elbasan–Peqin, në fshatin Përparim.

Sipas informacioneve paraprake, dy automjete janë përplasur me njëri-tjetrin, pasi njëri prej drejtuesve dyshohet se ka humbur kontrollin e mjetit.

Përplasja ka shkaktuar dëme të konsiderueshme materiale në të dyja automjetet, ndërsa fatmirësisht, deri në këto momente, nuk raportohet për persona të plagosur.

Në vendngjarje kanë mbërritur shërbimet e Policisë, ambulanca dhe forcat zjarrfikëse, të cilat po kryejnë veprimet e para për dokumentimin e aksidentit.

Ndërkohë, vijojnë verifikimet për të përcaktuar rrethanat dhe shkaqet e plota që çuan në përplasjen e dy automjeteve.

“KORÇA BOOM”