I dehur në timon, 66-vjeçari përfundon me motomjet në kanal

Një aksident është regjistruar pak pas mesditës në Divjakë, ku një 66-vjeçar ka mbetur i plagosur pasi humbi kontrollin e motomjetit elektrik që drejtonte.

Ngjarja ka ndodhur në fshatin Gërmenj, ku shtetasi Llambri Shkoza dyshohet se ka humbur kontrollin e mjetit dhe ka përfunduar në një kanal anës rrugës.

Si pasojë e aksidentit, ai ka marrë dëmtime në kokë dhe në pjesë të tjera të trupit. Sipas informacioneve paraprake, 66-vjeçari ka qenë nën efektin e alkoolit në momentin e aksidentit, gjë që është konfirmuar edhe nga testi i alkoolit i kryer nga policia.

I plagosuri ndodhet aktualisht në Spitali i Lushnjës, ku po merr ndihmë mjekësore dhe raportohet në gjendje stabël.

“KORÇA BOOM”