Incidentet në zonat rurale vijojnë /kanosje në Orman, zjarre në Tërovë e Podgorije

Maliq/Orman – K.A., 40 vjeç, banues në fshatin Orman, dyshohet se ka kanosur me fjalë një shtetase 60-vjeçare, për motive të dobëta. Materialet procedurale u referuan në Prokurori për veprime të mëtejshme.

Maliq/Tërovë – Më datë 01.09.2025, në fshatin Tërovë, ka rënë zjarr në një magazinë në pronësi të shtetasit P.B., 78 vjeç. Nga veprimet e para hetimore dyshohet se zjarri është shkaktuar aksidentalisht nga nipi i tij i mitur. Nuk raportohet për persona të lënduar, ndërsa dëmet materiale janë në vlerësim.

Podgorije – Në orët e para të mëngjesit të sotëm, në fshatin Podgorije, dyshohet se ka rënë zjarr aksidentalisht në automjetin e shtetasit B.Ç., 46 vjeç. Si pasojë, automjeti është djegur pjesërisht. Grupi hetimor ndodhet në vendngjarje dhe po punon për zbardhjen e plotë të rrethanave.

Materialet procedurale për të gjitha rastet iu referuan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme ligjore.

“KORÇA BOOM”