JAVA e 19-të/ Besa-Skënderbeu, Kastrioti-Pogradeci dhe të tjerat, ja kur luhen, ditët dhe oraret!

Pas përfundimit të javë ssë 18-të që ishte njëkohësisht java e parë për këtë vit 2026-të, tashmë të gjitha ekipet duhet të mendojnë për javën pasardhëse, teksa e 19-ta vjen këtë fundjavë e ndarë në dy ditë, të shtunën dhe të dielën.

Në këtë mënyrë, 5 ndeshje luhen ditën e shtunë të 24 janarit dhe e veçanta e asaj dite lidhet me faktin se të gjitha ndeshjet luhen në të njëjtën orë, 13:30.

Ndeshje të forta dhe të luftuara priten qysh të shtunën, teksa tre skuadrat kryesuese luajnë në transfertë, ku së pari Pogradeci ka një ndeshje të fortë jashtë shtëpisë ku e pret Kastrioti.

Skënderbeu nga ana e vet do të luajë në Luz ku e pret Besa dhe nga ana tjetër Laçi luan në transfertën e Burrelit.

E vetmja ndeshje që luhet të dielën e 25 janarit është ajo mes Apolonisë dhe Lushnjës, në derbin e myzeqesë.

Më poshtë sjellim të gjitha përballjet e javës së 19-të dhe oraret dhe datat përkatëse:

JAVA 19

24 janar 2025 (E Shtunë)

Ora 13:30 Korabi-Iliria

Ora 13:30 Kastrioti-Pogradeci

Ora 13:30 Besa-Skënderbeu

Ora 13:30 Luftëtari-Kukësi

Ora 13:30 Burreli-Laçi

25 janar 2025 (E Diel)

Ora 13:30 Apolonia-Lushnja

“KORÇA BOOM”