Korçarët sërish në krye me stil, Laçi mbetet pas, ja si duket tabela

Korçarët arritën një fitore të rëndësishme në transfertë ndaj Apolonisë, duke triumfuar me rezultatin 3–2 pas një ndeshjeje me shumë përmbysje dhe emocione. Me këtë sukses, skuadra e drejtuar nga trajneri Ernest Gjoka e thellon diferencën në krye të renditjes, duke u shkëputur me 7 pikë nga Laçi, që ndodhet në vendin e dytë me 21 pikë.

Në ndeshjet e zhvilluara një ditë më parë, Besa dhe Laçi u ndanë në barazim pa gola, ndërsa fitore morën Kastrioti, Korabi dhe Lushnja, respektivisht ndaj Luftëtarit, Kukësit dhe Ilirisë.

Pas javës së 11-të të Kategorisë së Parë, pjesa e zonës së “play off” plotësohet me skuadrat e Pogradecit, Ilirisë, Burrelit dhe Korabit, ndërsa gara për vendin e gjashtë mbetet mjaft e hapur.

Aktualisht Korabi, Apolonia dhe Kastrioti kanë pikë të barabarta, duke mbajtur gjallë rivalitetin për një vend në fazën pasuese të kampionatit.

Në fundin e tabelës, Kukësi duket thuajse i dorëzuar, me pak shpresa për mbijetesë, ndërsa Luftëtari mban vendin e parafundit. Besa dhe Lushnja ndodhen në zonën e “play out”-it dhe do të luftojnë fort për të shmangur rënien nga kategoria.

"KORCA BOOM"