Kristi Aliaj nuk kursehet ndaj Luiz Ejllit: “Ka mundësi të mëdha në muzikë, por nuk jam dakord me drejtimin që ka marrë”

Në një intervistë të fundit për emisionin “Andale”, Kristi Aliaj, ish-banori i “Big Brother VIP Albania 2”, ka ndarë mendimin e tij të sinqertë rreth muzikës së fituesit të atij edicioni, Luiz Ejllit. Duke folur pa doreza, Kristi u shpreh se nuk është aspak i tërhequr nga drejtimi muzikor që ka zgjedhur Luizi pas daljes nga formati.

“Mua nuk më pëlqejnë zhanret që bën Luizi. Në një ambient tjetër folëm të njëjtën gjë. Më vjen keq sepse ka gjithë atë hapësirë të bëjë këngë, studio e gjëra. Duan të shajnë, shajnë sa më shumë,” – u shpreh Kristi gjatë intervistës.

Kjo deklaratë është interpretuar nga shumë si një vazhdim i rivalitetit të hershëm mes dy personazheve, i cili nisi gjatë kohës së tyre në shtëpinë e “Big Brother VIP”. Gjatë asaj kohe, Kristi dhe Luizi patën përplasje të shumta verbale dhe dallime të qarta në mënyrën se si e shihnin lojën, publikun dhe qëllimin e pjesëmarrjes në format.

Megjithatë, pavarësisht kritikave, Kristi u tregua i kujdesshëm në tonin e tij, duke theksuar se secili artist ka stilin e vet dhe është i lirë të ndjekë rrugën që ndjen më afër vetes.

“Secili ka stilin e vet, ka të drejtë të bëjë atë që ndjen. Unë thjesht nuk jam dakord me zhanret që ai zgjedh,” – shtoi ai.

Pas përfundimit të “Big Brother VIP Albania 2”, Luizi përjetoi një sukses të madh në karrierën e tij artistike. Ai jo vetëm fitoi zemrat e publikut dhe çmimin e madh prej 100 mijë eurosh, por gjithashtu u rikthye me forcë në skenën muzikore, duke publikuar këngë të reja dhe duke qenë vazhdimisht në qendër të vëmendjes.

“KORÇA BOOM”