Kualifikueset e Botërorit: Gjermania bind, Franca ruan formën, Belgjika ndalet nga Maqedonia

Këtë të premte u zhvilluan disa nga ndeshjet më interesante të radhës në kuadër të kualifikueseve për Kupën e Botës, me disa prej ekipeve pretendente që konfirmuan pritshmëritë dhe të tjera që zhgënjyen.

Në Grupin A, Gjermania nuk e pati aspak të vështirë përballjen me Luksemburgun, duke fituar bindshëm me rezultatin 4-0 në një sfidë që u dominua nga fillimi në fund.

Ndërkohë, në Grupin J, Belgjika ndali ritmin, duke mos shkuar më shumë se një barazim 0-0 ndaj Maqedonisë së Veriut. Një rezultat që ngre pikëpyetje për formën e “djajve të kuq”, ndërsa Maqedonia merr një pikë të çmuar.

Franca vazhdon rrugëtimin perfekt në Grupin D, duke triumfuar me rezultatin 3-0 ndaj Azerbajxhanit. "Gjelat" konfirmojnë edhe një herë statusin e favoritëve të padiskutueshëm për vendin e parë në grup.

Në Grupin B, Zvicra arriti një fitore të pastër 0-2 ndaj Suedisë, duke marrë tre pikë të rëndësishme në një transfertë jo të lehtë. Ndërkohë, Kosova nuk shkoi më shumë se një barazim pa gola ndaj Sllovenisë, në një ndeshje të luftuar, por pa efikasitet në sulm.

“KORÇA BOOM”