Kujdes: Sot kamerat në stadium janë në monitorim të plotë – çdo cep i survejuar

Të gjithë tifozët që do të jenë të pranishëm sot në stadium, ju lutemi të tregoni kujdes maksimal në sjelljen tuaj. Duhet të jeni të ndërgjegjshëm se çdo cep i stadiumit është i pajisur me kamera sigurie, të cilat do të jenë në funksion të plotë gjatë gjithë ndeshjes.

Këto kamera nuk janë thjesht për sigurinë, por edhe për identifikimin e çdo veprimi që bie ndesh me rregullat dhe etikën sportive.

Çdo gjest apo veprim antisportiv, provokues apo i papërshtatshëm do të evidentohet dhe mund të sjellë pasoja ligjore apo ndëshkime administrative.Mos lejoni që emocionet t’ju çojnë drejt sjelljeve të papërgjegjshme që mund të dëmtojnë jo vetëm ju, por edhe ekipin që mbështesni.

Respektoni rregullat. Mbështesni skuadrën tuaj me pasion, por me dinjitet.Siguria dhe sportiviteti janë prioritet për të gjithë.

“KORÇA BOOM”