Kujtime të çmuara nga Sofika dhe Berti Milo për gjimnazin “Themistokli Gërmenji”

Këto foto-kujtime të çmuara nga periudha 1976–1987 na i dërgon me dashuri dhe nostalgji çifti i nderuar Sofika dhe Berti Milo, dy prej mësuesve më të respektuar që ka pasur ndonjëherë Gjimnazi “Themistokli Gërmenji” i Korçës. Fotot sjellin atmosferën e viteve të tyre të punës, kohën kur mësimdhënia ishte mision, sakrificë dhe pasion i përditshëm.

Në mesazhin e tyre plot emocion, Berti Milo shkruan nga larg:“…Kujtimi më i bukur për ne është që ish-nxënësit tanë sot drejtojnë dhe punojnë me përkushtim në këtë gjimnaz me emër për Korçën dhe gjithë Shqipërinë. Jemi krenarë që ata kanë arritur të mbajnë pozita të nderuara brenda dhe jashtë vendit, duke dëshmuar vlerat dhe bazat që morën në bankat e këtij institucioni të dashur…”

Mes rreshtash ndihen mall, krenari dhe gëzim për brezat që ata kanë arsimuar. Gjimnazi “Themistokli Gërmenji”, me historinë dhe traditën e tij të vyer, është rritur dhe forcuar falë përkushtimit të mësuesve të tillë, të cilët lanë gjurmë të pashlyeshme tek nxënësit e tyre.

Me shumë respekt dhe mirënjohje, përshëndesim ish-mësuesit dhe ish-kolegunë tanë të nderuar, Sofika dhe Berti Milo, të cilët edhe sot nga larg vazhdojnë të ruajnë lidhjen shpirtërore me shkollën, nxënësit dhe qytetin e Korçës.

"KORCA BOOM"