Kuli sheh të kuqin, Pogradeci mbetet me 10 lojtarë dhe ndahet në paqe me Ilirinë

Janë mbyllur tre ndeshjet e para të javës së parë të Kategorisë së Parë, për edicionin e ri 2026–2027, teksa Pogradeci e ka nisur kampionatin me një barazim pa gola në transfertën ndaj Ilirisë së Fushë-Krujës.

Sfida e zhvilluar në stadiumin “Redi Maloku” përfundoi me rezultatin 0–0, në një përballje të luftuar dhe me shumë kartonë. Pogradeci e mbylli takimin me 10 lojtarë, pas kartonit të kuq të marrë nga Kuli në minutën e 41-të.

Në ndeshjet e tjera të zhvilluara, Bylisi nuk shkoi më shumë se barazimi 1–1 ndaj debutuesve të Sopotit. Një rezultat pozitiv për skuadrën që sapo është ngjitur në Kategorinë e Parë, ndërsa Bylisi la dy pikë në startin e sezonit.

Fitore ka regjistruar Kukësi, që mposhti Besëlidhjen me rezultatin 2–0. Verilindorët e zgjidhën ndeshjen që në pjesën e parë, duke shënuar dy herë brenda 17 minutave. Demirçani zhbllokoi takimin në minutën e 2-të, ndërsa Pjeshka dyfishoi avantazhin në minutën e 17-të.

Kështu, pas tre ndeshjeve të para të javës së parë, Pogradeci merr një pikë në transfertë, Bylisi dhe Sopoti ndajnë nga një pikë, ndërsa Kukësi e nis kampionatin me tri pikë.

REZULTATET

Bylis 1–1 Sopoti

Iliria 0–0 Pogradeci

Kukësi 2–0 BesëlidhjaShënues: Demirçani 2’, Pjeshka 17’

“KORÇA BOOM”