Kupa, fitorja dhe ëndrra: Si një ekip i vogël islandez preku Europën

Vestri IF, një klub nga qyteti i vogël Isafjordur në veriperëndim të Islandës, ka shkruar historinë duke fituar Kupën e Islandës 2025 dhe duke u kualifikuar për Europa League 2026-27. Vetëm dy vite më parë, skuadra luante në kategorinë e dytë, ndërsa sot bëhet klubi i parë islandez që siguron një vend në Europë për sezonin e ardhshëm.

Fitorja ndaj Valurit, skuadrës më të suksesshme të vendit, u vendos nga një gol spektakolar i danezit Jeppe Pedersen. Skuadra drejtohet nga Daniel Osafo-Badu, një trajner londinez me origjinë ganeze, i cili prej vitesh jeton dhe punon në Islandë. Ndër lojtarët më të njohur është edhe Arnor Borg Gudjohnsen, djali i ish-sulmuesit të Chelseat dhe Barcelonës.

Klubi Vestri është themeluar në vitin 2016 si bashkim i disa ekipeve lokale dhe përfaqëson një zonë të largët dhe të izoluar të Islandës. Ky sukses i jashtëzakonshëm është një ogur i mirë për futbollin islandez dhe një tregues i fuqisë së ëndrrave në sport.

“KORÇA BOOM”