LAJM I FUNDIT/ Policia në Kolonjë gjen fëmijën 9-vjeçar të humbur prej disa orësh

Kolonjë

Reagimi i menjëhershëm i Policisë bëri të mundur gjetjen e një fëmije që ishte larguar nga prindërit, në qytetin e Kolonjës.

Punonjësit e Policisë në Kolonjë i dorëzojnë familjes, në gjendje të mirë shëndetësore, djalin 9-vjeçar nga fshati Taç, Kolonjë.

Shërbimet e Komisariatit të Policisë Kolonjë kanë gjetur në aksin rrugor një fëmijë rreth 9-vjeç (me aftësi ndryshe), i cili ishte larguar nga banesa, pa djeninë e prindërve.

Pas rreth një ore, punonjësit e Policisë së bashku me shërbimin sociale të Bashkisë Kolonjë kanë bërë të mundur gjetjen e basnesës së djalit. Djali ndodhej në gjendje të mirë shëndetësore dhe iu rikthye menjëherë prindërve të tij

Prindërit e fëmijës kanë falënderuar shërbimet e Policisë për reagimin e shpejtë dhe profesional që kontribuoi në gjetjen e djalit të tyre.

“KORÇA BOOM”