LAJMI I FUNDIT/ Pas Strugës, Skënderbeu zyrtarizon miqësoren e dytë. Ja kundërshtari i dytë!

Skënderbeu ka hyrë tashmë në fazën intensive të përgatitjeve verore, dhe pjesë e rëndësishme e kësaj periudhe janë edhe ndeshjet miqësore, që i shërbejnë trajnerit Ernest Gjoka për të testuar grupin dhe për të ndërtuar formacionin më të mirë për sezonin e ri.

Pas miqësores së paralajmëruar kundër Strugës, që do të zhvillohet më 9 korrik, është konfirmuar tashmë edhe një tjetër përballje testuese. Bardhekuqtë do të ndeshen me ekipin e Besës së Kavajës, që ndodhet në një periudhë përgatitore në qytetin e Ersekës.

Kjo përballje do t’i shërbejë jo vetëm për ritmin fizik të lojtarëve, por edhe për të vëzhguar disa nga afrimet e reja në skuadër, përfshirë edhe futbollistin ganez Baba Hamadu Musa.

Këto miqësore janë thelbësore për të vënë në zbatim idetë taktike të trajnerit Gjoka, si dhe për të rritur kohezionin brenda grupit. Me disa prurje të reja dhe disa ndryshime në organikë, Skënderbeu po mundohet të ndërtojë një ekip konkurrues për sezonin që pritet të nisë me shumë ambicie.

“KORÇA BOOM”

Në ditët në vijim pritet të konfirmohen edhe disa miqësore të tjera, në mënyrë që ekipi të vijojë rritjen e intensitetit përpara startit të kampionatit.

“KORÇA BOOM”