LAJMI I FUNDIT/ Mbyllet Skënderbeu-Vora. Mësoni çfarë ka ndodhur

Skënderbeu-Vora 0-0

SKËNDERBEU: Alia, Vangjeli, Dumfor, Vaskuez, Shaqe, Janaqi, Abubakari, Estrela, Nasr, Gjini, Tayo. Trajner: Ernest Gjoka

REZERVAT: Dervishaj, Gift, Nasto, Zenullari, Emanuel, Hamadu, R. Hasa, Ukiçi, Bismark, Franklin

VORA: Ruçi, Tabaku, Shehi, Rrepaj, Vrapi, Dalipi, Kasalla, Bardhi, F. Hasa, Karica, Ruzgis. Trajner: Arian Bellai

REZERVAT: Harizaj, Fazlagiç, Bajramaj, Wallas, Felipe, Folahan, Vinisius, Geci, Zuna, Daka.

GJYQTARË: Erion Bylykbashi, Ronaldo Jahja, Ronaldo Zogu (Elbasan)

Karton të verdhë: Vrapi, Vrapi

Skënderbeu-Vora nisi qetë në minutat e para dhe të dy skuadrat më shumë kanë qarkulluar topin në mesfushë, ndërkohë që në minutën e 5-të do të vinte rasti i parë i ndeshjes teksa Karica për miqtë nga Vora gjuan, por topi përfundon jashtë kuadratit të vendasve.

Më pas edhe Skënderbeu kërkon të zbresë disa herë në zonën e Vorës, teksa një moment i mirë për Skënderbeun është ai i minutës së 21-të, ku pas një goditjeje këndi është Vaskuez i ardhur nga mbrojtja që nuk përfiton ta dërgojë në kuadrat, por vetëm jashtë.

Një tjetër moment i mirë për Skënderbeun është ai i minutës së 24-ër, ku Nasr godet nga e majta e sulmit dhe topi devijohet dhe kthehet prapë te egjiptiani që godet edhe njëherë dhe mbrojtja e largon në këndore. Shpëton porta e Vorës. Skënderbeu në këto momente duket se ka marrë “frenat” e lojës në dorë.

Është Bardhi që tenton në minutën e 40-të të gjuajë saktë, por topi jashtë, ndërkohë që në minutën e fundit, kombinim i Nasr, Estrela dhe Tayo i vetëm nuk arrin ta devijojë topin në portën e Vorës. Përfundimisht 45 minutat e pjesës së parë mbyllen me rezultatin e bardhë 0-0.

Pjesa e dytë nis njësoj si e para, me pak raste dhe zbritje nga të dyja skuadrat, ndërkohë që deri në minutën e 60-të ka pasur pak momente tensioni në fushë, një karton të verdhë për Bardhin dhe asnjë gjuajtje në portat respektive.

Rast ideal për Vorën në minutën e 62-të, teksa Bajramaj driblon në mbrojtjen vendase, gjuan fuqishëm me të majtën dhe topi përfundon ngjitur me shtyllën e majtë pingule të Aliaj. Shpëton për mrekulli nga goli Skënderbeu. Duket se është Vora që komandon në këto minuta dhe, edhe Dajan Shehi në minutën e 70-të që i ardhur nga mbrojtja gjuan dy herë, por dy herë ndalet nga mbrojtja bardhekuqe.

Në këto momente vijojnë ndërrimet për të dy teknikët për të freskuar repartet respektive, ndërkohë që minutat e mëpasme nuk sjellin asgjë dhe të dy skuadrat duket se pajtohen me rezultatin e bardhë.

Përfundimisht 0-0 në stadiumin “Skënderbeu” në miqësoren mes vendasve dhe Vorës.

“KORÇA BOOM”