LAJMI I FUNDIT/ Policia serbe shoqëron Dritan Shakohoxhën

Policia serbe ka shoqëruar gazetarin dhe komentatorin shqiptar, Dritan Shakohoxha, vetëm një ditë para ndeshjes Serbi-Shqipëri, mëson ekskluzivisht CNA.

Vetëm 24 orë para duelit mes dy kombëtareve, policia ka bërë shoqërimin e disa personave, ndër ta edhe Shakohoxha.

Sipas asaj që mëson CNA, ky shoqërim mund të jetë i lidhur edhe me ndeshjen e vitit 2014, ku Shakohoxha ishte në komentin e ndeshjes Serbi-Shqipëri nga Beogradi.

Është shoqëruar pasi i kanë bërë disa kontrolle pasi mbërriti në Serbi, duke i mbajtur erë edhe çorapeve të Shakos, të cilat për fat ishin të lara. Hundët e serbëve janë futur kudo, por mësohet se Shakohoxha tani është liruar.

Në një prononcim për CNA ai tha: “Unë do të shkoj ta shikoj ndeshjen. Veprime të qëllimshme dhe të papërgjegjshme. Asgjë më shumë se kaq”.

Serbët kanë një listë me shumë emra dhe policia serbe mesa duket do të ndalojë hyrjen e tyre në stadium, gazetarë, komentatorë dhe personaliete, që kanë shkuar për të ndjekur ndeshjen.

“KORÇA BOOM”