Lajmi i orës së vonë/ Atentat me a*më zj*rri, vr*tet pronari i një karburanti

Një atentat me armë zjarri ka tronditur mbrëmjen e kësaj të enjteje qytetin e Sarandës. Ngjarja e rëndë është regjistruar në zonën e Gjashtës, ku ka mbetur i vrarë Rexhep Ismaili, pronar i një karburanti në qytet.

Sipas informacioneve paraprake, viktima është qëlluar me armë zjarri dhe dyshohet se ka marrë një plumb në kokë, plagë që i ka shkaktuar vdekjen e menjëhershme.

Menjëherë pas atentatit, në vendngjarje kanë mbërritur forca të shumta policie, të cilat kanë rrethuar zonën dhe kanë nisur hetimet për zbardhjen e plotë të rrethanave.

Deri tani nuk ka informacion zyrtar lidhur me autorët apo motivet e ngjarjes, ndërsa grupi hetimor po punon për identifikimin dhe kapjen e tyre.

Ngjarja ka shkaktuar tronditje në qytet, ndërsa policia pritet të dalë me një reagim zyrtar në vijim.

“KORÇA BOOM”