Makina del nga rruga dhe përfundon në kanal

Një aksident rrugor është regjistruar në zonën e Lumit të Vlorës, pranë fshatit Gjormë, ku një automjet ka dalë nga rruga dhe ka përfunduar në kanalin anësor.

Sipas të dhënave paraprake, drejtuesi i mjetit dyshohet se ka humbur kontrollin si pasojë e shpejtësisë së lartë. Mjeti është përplasur me një bordurë betoni, duke pësuar dëme të konsiderueshme materiale.

Si pasojë e aksidentit, drejtuesi ka marrë lëndime të lehta dhe i është dhënë ndihma e parë në vendngjarje, pa pasur nevojë për transportim në spital.

Policia ndodhet në vendin e ngjarjes dhe po punon për sqarimin e plotë të rrethanave të aksidentit.

“KORÇA BOOM”