Maliq/ Arrestohet 30-vjeçari që vodhi sasi të konsiderueshme rrushi në një magazinë

Një ngjarje vjedhjeje është regjistruar gjatë orëve të natës në fshatin Rëmbec të Maliqit, ku një 30-vjeçar dyshohet se ka depërtuar në magazinën e një 74-vjeçari dhe ka marrë një sasi të konsiderueshme produkti rrushi.

Sipas Policisë, pas kallëzimit të bërë nga i moshuari, shërbimet e Komisariatit të Maliqit organizuan veprimet e shpejta operacionale, duke bërë të mundur identifikimin dhe arrestimin në flagrancë të autorit të dyshuar. Sasia e rrushit e vjedhur është gjetur dhe sekuestruar në cilësinë e provës materiale.

Materialet iu referuan Prokurorisë për veprime të mëtejshme hetimore, ndërsa Policia po vijon punën për dokumentimin e plotë të rastit.

Deklarata e plotë e Policisë

Shërbimet e Komisariatit të Policisë Maliq arrestuan në flagrancë shtetasin R. A., 30 vjeç, banues në fshatin Rëmbec, pasi dyshohet se gjatë natës në magazinën e një 74-vjeçari ka vjedhur një sasi të konsiderueshme produkt rrushi, që u sekuestrua në cilësinë e provës materiale.

“KORÇA BOOM”